سونے کی قیمت میں حیران کن کمی،اچانک کئی ہزار روپے سستا،فئ تولہ کتنے کا ہو گیا؟

کراچی: عالمی و مقامی مارکیٹو ں میں سونے کی فی تولہ قیمت میں حیران کن کمی دیکھی گئی ہے جس کے بعد سونا ہزاروں روپے سستا ہو گیا۔

آل پاکستان جیمز اینڈ جیولرز ایسوسی ایشن کے مطابق آج ہفتے کے روزمقامی مارکیٹ میں فی تولہ سونے کی قیمت میں ایک ہی دن میں 9100 روپے کی بڑی کمی ہوگئی جس کے بعد ایک تولہ سونا 4 لاکھ 30 ہزار 662 روپے کاہوگیا۔

ایسوسی ایشن کے مطابق اسی طرح دس گرام سونا 7799 روپے سستا ہونے کے بعد 3 لاکھ 69 ہزار 223 روپے کا ہوگیا ۔

جبکہ ایک تولہ چاندی 209 روپے بڑی کمی کے بعد 5313 روپے کی ہوگئی ہے۔

دوسری جانب عالمی بلین مارکیٹ میںفی تولہ سونے کی قیمت میں 91 ڈالر کی بڑی کمی ریکارڈ کی گئی جس کے بعد سونے کی نئی قیمت کم ہو کر  4083 ڈالر فی اونس ہو گئی۔

خیال رہے کہ گزشتہ روز بھی پاکستانی صرافہ مارکیٹ میں سونا 3300 روپے فی تولہ سستا ہونے کے بعد 4 لاکھ 39 ہزار 762 روپےجبکہ دس گرام سونا 2829 روپے سستاہوکر 3 لاکھ 77 ہزار 25 روپے کا ہوگیاتھا۔