ویب ڈیسک: سونے کی قیمت میں گزشتہ کئی روز سے جاری تاریخی اضافے کے بعدآج  کمی ریکارڈ کی گئی ہے۔

 آل پاکستان جیمز اینڈ جیولرز ایسوسی ایشن کے مطابق سونے کی فی تولہ قیمت میں 800 روپے کی کمی ریکارڈ کی گئی ہے جس کے بعد سونے کی نئی قیمت 5 لاکھ 5 ہزار 562 روپے ہو گئی ہے۔

ایسویسی ایشن کے مطابق اسی طرح 10 گرام سونے کی قیمت 686 روپے کم ہو کر 4 لاکھ 33 ہزار 437 روپے ہو گئی۔

 اس کے برعکس چاندی کی فی تولہ قیمت 30 روپے کی کمی سے 9 ہزار 903 روپے ہو گئی۔

دوسری جانب عالمی منڈی میں فی اونس سونا 8 ڈالر سستا ہو کر 4832 ڈالر ریکارڈ ہوا۔

خیال رہے کہ گزشتہ روز فی تولہ سونے کی قیمت میں 12ہزار700روپے کا اضافہ ریکارڈ کیا گیا تھا ،جس کے بعد ایک تولہ سونا ملکی تاریخ کی بلند ترین سطح 5لاکھ روپے سے بھی اوپر پہنچ گیا تھا۔