مکہ مکرمہ: پاکستانی شہری کو ہیروئن اسمگل کرنےکے جرم میں سزائے موت دے دی گئی

ویب ڈیسک: مکہ مکرمہ میں ہیروئن اسمگلنگ کے جرم میں ایک پاکستانی شہری کو سزائے موت دے دی گئی۔

سعودی وزارت داخلہ کے مطابق سکیورٹی حکام کی تحقیقات کے بعد ملزم کے خلاف مقدمہ متعلقہ عدالت میں پیش کیا گیا۔ عدالت میں جرم ثابت ہونے پر ملزم کو سزا سنائی گئی اور  سپریم کورٹ اور شاہی حکم نامہ جاری ہونےکے بعد پھانسی کی سزا پر عمل کیا گیا۔ 

سعودی وزارت داخلہ کا کہنا ہےکہ منشیات اسمگلنگ میں ملوث تمام مجرموں کو سخت سزا دی جائےگی۔