اے آئی بے لگام: انتھروپک کمپنی نے اے آئی سے لاحق ایک اور بڑے خطرے سے آگاہ کر دیا

ویب ڈیسک: آرٹی فیشل انٹیلی جنس (اے آئی) کمپنی نے اے آئی ٹیکنالوجی کے حوالے سے ایک اور انتباہ کیا ہے۔

انتھروپک نے کہا ہے کہ اس کے کچھ اے آئی ماڈلز جلد 'اپنی نقول' تیار کرکے انٹرنیٹ سے منسلک ڈیوائسز جیسے اسمارٹ فریج یا ویکیوم کلنرز تک رسائی کے راستے تلاش کرسکتے ہیں۔

ایک بار اگر ایسا ہوگیا تو یہ ماڈلز ان ڈیوائسز کے اندر ڈیٹا سینٹرز کے بغیر خود کو پاور فراہم کرسکیں گے، جس کے نتیجے میں اے آئی ماڈلز چلانے پر کنٹرول ختم ہوسکتا ہے۔

کمپنی کی جانب سے جاری ایک رپورٹ میں بتایا گیا کہ نقول تیار کرنے والے ماڈل کو بند کرنا کسی چیلنج سے کم نہیں ہوگا کیونکہ اسے شٹ ڈاؤن کرنے کا مرکزی پوائنٹ نہیں ہوگا۔

انتھروپک نے اسے 'اے آئی کیڑے' قرار دیا، یعنی ایسا خودکار میل وئیر جو چند ماہ کے اندر سامنے آسکتا ہے۔

انتھروپک نے ستمبر میں کہا تھا کہ یہ ٹیکنالوجی انسانیت کی بقا کے لیے خطرہ یا تباہ کن ثابت ہوسکتی ہے۔

کمپنی کی جانب سے یہ انتباہ مجوزہ ابتدائی عوامی پیشکش یعنی IPO کے لیے تیار کردہ دستاویز میں کیا گیا تھا۔