سونے کی قیمتوں نے پچھلے تمام ریکارڈ توڑ دیے، آج بھی ہزاروں روپے مہنگا

کراچی: سونے کی قیمت نے پچھلے تمام ریکارڈ توڑ دیے،سونا آج بھی ہزاروں روپے مہنگا ہو گیا ہے، جس کے بعد قیمت بلند ترین سطح پر پہنچ گئی ہے۔

آل پاکستان جیمز اینڈ جیولرز ایسوسی ایشن کے مطابق آج ہفتے کے روز مقامی مارکیٹوں میں سونے کے فی تولہ نرخ میں 6ہزار500 روپے کا اضافہ ہونے سے نئی قیمت 5 لاکھ 21 ہزار 162 روپے کی سطح پر پہنچ گئی ہے۔

ایسوسی ایشن کے مطابق اسی طرح10گرام سونا 5ہزار 573 روہے مہنگا ہوا ہے جس کے بعد نئی قیمت 4 لاکھ 46 ہزار 812 روپے ہو گئی ہے۔

علاوہ ازاں چاندی کی فی تولہ قیمت 526 روپے اضافے کے ساتھ بلند ترین سطح 10801 روپے پر پہنچ گئی ہے۔

دوسری جانب عالمی بلین مارکیٹ میں سونا 65 ڈالر مہنگا ہونے سے فی اونس سونا 4988 ڈالر کی بلند ترین سطح پر پہنچ گیا ہے۔