گوجرانوالہ: ریاست کے تحفظ کے لیے شہری سڑکوں پر نکل آئے

گوجرانوالہ: ممتاز سماجی شخصیت مہران چاند بٹ کے زیرِ اہتمام گوجرانوالہ میں ’’سیاست نہیں، ریاست بچاؤ‘‘ ریلی کا انعقاد کیا گیا، جس میں تاجر برادری سمیت مختلف مکاتبِ فکر سے تعلق رکھنے والے افراد کی بڑی تعداد نے شرکت کی۔

ریلی کے شرکاء نے اس عزم کا اظہار کیا کہ کسی بھی سیاسی جماعت کے مفادات سے بڑھ کر ریاست کا تحفظ اور استحکام مقدم ہے۔ ان کا کہنا تھا کہ ریاست مضبوط ہوگی تو اس کے شہری بھی مضبوط اور محفوظ ہوں گے۔

ریلی کا آغاز قلعہ میاں سنگھ سے ہوا، جو مختلف مقامات سے ہوتی ہوئی راہوالی کینٹ، گوجرانوالہ، پر اختتام پذیر ہوئی۔ شرکاء نے ریاست کی مضبوطی، استحکام اور تحفظ کو اولین ترجیح قرار دیتے ہوئے اس پیغام کو اجاگر کیا کہ قومی مفاد ہر قسم کی سیاسی وابستگی سے بالاتر ہے۔