تھائی لینڈ، کمبوڈیاکے ساتھ جنگ بندی پر آمادہ

بنکاک: تھائی لینڈ نے کمبوڈیا سےجنگ بندی پر آمادگی ظاہر کردی۔ 

غیرملکی میڈیا کے مطابق  تھائی لینڈ نے کمبوڈیا سےجنگ بندی پرآمادگی ظاہر کردی ہے اور اس حوالے سے قائم مقام تھائی وزیراعظم پھمتھم وچھایا چھائی نے کہا کہ اگر دوسرا فریق سنجیدہ نیت کا مظاہرہ کرے تو جنگ بندی پرتیار ہیں۔ 

اس سے قبل امریکی صدر ڈونلڈ ٹرمپ نے سوشل میڈیا پر جاری ایک بیان میں کہا کہ وہ تھائی لینڈ اور کمبوڈیاکے درمیان جنگ بندی کی کوشش کررہے ہیں اور اس حوالے سے انہوں نے دونوں ممالک کے رہنماؤں سے ٹیلیفون پر بات کی ہے۔

واضح رہے  تھائی لینڈ اور کمبوڈیا کے درمیان 3 روز سے جاری سرحدی جھڑپوں میں دونوں ممالک کے 30 سے زائد افراد ہلاک ہوچکے ہیں۔