پہلا ٹی ٹوئنٹی: پاکستان کاآسٹریلیا کے خلاف ٹاس جیت کر پہلے بیٹنگ کا فیصلہ

لاہور: پاکستان اور آسٹریلیا کی ٹیمیں آج لاہور میں پہلا ٹی20 میچ کھیلنے کے لیے آمنے سامنے ہیں،جہاں پاکستان نے پہلے ٹی 20 میچ میں آسٹریلیا کے خلاف ٹاس جیت کر بیٹنگ کا فیصلہ کیا ہے۔

ٹاس کے موقع پر کپتان سلمان علی آغا نے پہلے بیٹنگ کرنے کا فیصلہ کیا ہے، جس کا مقصد اسٹیڈیم کی کنڈیشنز اور وکٹ کے حساب سے زیادہ اسکور بنانا ہے،قومی ٹیم کے کپتان سلمان علی آغا کا کہنا ہے ورلڈ کپ سے پہلے سیریز بہت اہم ہے، جبکہ آسٹریلوی کپتان مچل مارش نے کہا کہ پاکستان میں سیریز کھیلنے کیلئے پر جوش ہیں۔

آسٹریلوی ٹیم ٹریوس ہیڈ کی قیادت میں میتھیو شارٹ، کیمرون گرین ، میتھیو رنشا، کوپر کونلی، مچل اوون، جوش فلپس، جیک ایڈورڈ، زیویر بریٹ لیٹ، ایڈم زمپا اور ماہلی بیئرڈ مین پر مشتمل ہے۔

پاکستان کی پلئینگ الیون میں صائم ایوب ،صاحبزادہ فرحان ، سلمان علی آغا ،بابر اعظم، فخر زمان ، عثمان خان ،شاداب خان ،محمد نواز، شاہین آفریدی ،سلمان مرزا اورابرار احمد  شامل ہیں۔

قبل ازیں آسٹریلوی ٹیم بدھ کی صبح لاہور پہنچی، مہمان ٹیم کی آمد کے بعد کپتانوں سلمان علی آغا اور مچل مارش نے سیریز کی چمچاتی ٹرافی کی رونمائی کی۔