آئی سی سی نےٹی20 ورلڈ کپ میں بنگلا دیش کی جگہ سکاٹ لینڈ کو شامل کر لیا

دبئی :عالمی کرکٹ کونسل (آئی سی سی )نے بنگلہ دیش کی جگہ سکاٹ لینڈ کو ٹی20 ورلڈ کپ میں شامل کر لیا گیا۔

تفصیلات کے مطابق آئی سی سی نے سکاٹ لینڈ کو ٹی 20 ورلڈ کپ میں شامل کرنے کا باضابطہ اعلان کر دیا، نئی ٹیم کو انگلینڈ، اٹلی، نیپال اور ویسٹ انڈیز کے ساتھ گروپ سی میں شامل کیا گیا ہے۔

آئی سی سی کا کہنا ہےکہ تین ہفتوں سے زائد اس معاملے پر تفصیلی بات چیت کی گئی،  بی سی بی سے بھی رابطے رکھے اور بی سی بی کے تحفظات کا ہر طرح سے جائزہ لیا گیا۔

آئی سی سی کے مطابق بی سی بی سے تمام معاملات پر بات کی گئی اور بی سی بی کو یقین دہانیاں بھی کرائی گئیں۔

خیال رہے کہ اس سے قبل بنگلا دیش نے سیکیورٹی خدشات کے باعث بھارت میں کھیلنے سے انکار کیا تھا جب کہ ٹی 20 ورلڈ کپ کا آغاز 7فروری سے بھارت اور سری لنکا میں ہو رہا ہے۔