پہلا ٹی 20: پاکستان نے سری لنکا کو 4 وکٹوں سے شکست دے دی

ویب ڈیسک: پہلے ٹی 20 میچ میں پاکستان نے سری لنکا کو 4 وکٹوں سے شکست دے کر 3 میچوں کی سیریز میں 0-1 کی برتری حاصل کرلی ہے۔

جمعے کو راولپنڈی کرکٹ اسٹیڈیم میں کھیلے جارہے پہلے ٹی 20 میں سری لنکا نے ٹاس جیت کر پہلے بیٹنگ کرتے ہوئے مقررہ 20 اوورز میں 8 وکٹوں کے نقصان پر 182 رنز بنائے، جس کے جواب میں پاکستان نے 183 رنز کا ہدف 19 ویں اوورز میں 6 وکٹوں کے نقصان پر پورا کرلیا۔

ہدف کے تعاقب میں قومی ٹیم کے کپتان صاحبزادہ فرحان نے شاندار بیٹنگ کا مظاہرہ کرتے ہوئے 89 رنز کی اننگز کھیلی، جس میں 10 چوکے اور 4 چھکے شامل تھے۔ 

ان کے علاوہ معاذ صداقت نے 50 رنز کی شاندار نصف سنچری اسکور کی جبکہ فخر زمان 21 رنز بنا کر نمایاں رہے۔ 

سری لنکا کی جانب سے بولنگ کرتے ہوئے ایشان ملنگا اور مہیش تھیکشانا نے 2، 2 کھلاڑیوں کو آؤٹ کیا۔

اس سے قبل سری لنکا نے ٹاس جیت کر پہلے بیٹنگ کرتے ہوئے مقررہ اوورز میں 8 وکٹوں کے نقصان پر 182 رنز بنائے تھے۔ 

Naseem Shah and Muhammad Imran Randhawa lead Pakistan's bowling effort 🏏 Sri Lanka set the hosts a target of 183 🎯 #PAKvSL | #CricketKaJashan | #BackTheBoysInGreen https://t.co/2jV9JT7ZOA

— Pakistan Cricket (@TheRealPCB) October 9, 2026