مہنگا سونا مزید مہنگا، قیمت ایک بار پھر تاریخ کی بلند ترین سطح پر پہنچ گئی

کراچی: عالمی اور مقامی مارکیٹ میں سونے کی قیمت میں آج بھی اضافہ ریکارڈ کیا گیا جس کے بعد سونے کی قیمت تاریخ کی بلند ترین سطح پر پہنچ گئی۔

آل پاکستان صرافہ ایسوسی ایشن کے مطابق مقامی مارکیٹ میں فی تولہ سونا 500 روپے مہنگا ہو کر 4 لاکھ  ، 73 ہزار ، 362 روپے کا ہو گیا۔

ایسوسی ایشن کے مطابق اسی طرح 10 گرام کے سونے کی قیمت میں 429 روپے کا اضافہ ہوا جس کے بعد نئی قیمت 4 لاکھ 5 ہزار 831 روپے ہو گئی۔

دوسری جانب عالمی بلین مارکیٹ میں فی اونس سونے کی قیمت میں آج 05ڈالر کا اضافہ ریکارڈ ہونے کے بعد نئی عالمی قیمت 4ہزار 510ڈالر کی نئی بلند سطح پر آگئی۔

علاوہ ازاں چاندی کی قیمت میں بھی غیر معمولی اضافہ ہوا ، 3.6 فیصد کے اضافے کے بعد چاندی کی قیمت 75.14 ڈالر فی اونس کی بلند ترین سطح پر پہنچ گئی۔