سونا مسلسل تیسرے روز ہزاروں روپے سستا، فی تولہ کتنے کا ہو گیا؟

کراچی: عالمی و مقامی مارکیٹ میں سونے کی قیمتوں میں مسلسل تیسرے روز بھی نمایاں کمی ریکارڈ کی گئی ہے۔

آل پاکستان صرافہ جیمز اینڈ جیولرز ایسوسی ایشن کے مطابق ملک میں فی تولہ سونے کی قیمت 8 ہزار 700 روپے کم ہو کر5 لاکھ 24 ہزار 562 روپے ہوگئی ہے۔

ایسوسی ایشن کے مطابق 10 گرام سونے کی قیمت 7 ہزار 459 روپے کم ہو کر 4 لاکھ 49 ہزار 727 روپے ہو گئی ہے۔ 

علاوہ ازاں فی تولہ چاندی 310 روپے کمی سے 8541 روپے پر آگئی ہے۔

 دوسری جانب عالمی بلین مارکیٹ میں سونے کی قیمت 87 ڈالر کم ہو کر 5018 ڈالر فی اونس ہو گئی ہے۔

 واضح رہے کہ گزشتہ روز سونے کی فی تولہ قیمت میں 7 ہزار 100 روپے کی کمی ہوئی تھی۔