بھارتی تیجس گرنے کے بعد طیارہ بنانے والی کمپنی کے شیئرز گر گئے

دبئی ایئر شو میں بھارتی طیارہ گرنے کے بعد تیجس طیارہ بنانے والی کمپنی کے شیئرز گر گئے۔

تفصیلات کے مطابق دبئی ایئر شو میں بھارتی فضائیہ کو اس وقت ایک اور سبکی کا سامنا پڑاجب بھارتی تیجس طیارہ گر کر تباہ ہوگیا,حادثے کے بعد تیجس طیارہ بنانے والی کمپنی  ہندوستان ایروناٹکس کے شیئرزمیں 2.62 فیصد کمی آگئی۔

رپورٹس کے مطابق طیارے کے حادثے کے بعد سرمایہ کاروں میں تشویش کی لہر دوڑ گئی، جسے دفاعی شعبے کی مستقبل کی ساکھ سے جوڑا جا رہا ہے۔

ماہرین کا کہنا ہے کہ بین الاقوامی ایئر شوز میں کسی بھی طیارے کا گرنا نہ صرف اس کی قابلِ اعتماد کارکردگی پر سوال اٹھاتا ہے بلکہ برآمدی معاہدوں پربھی منفی اثرات ڈال سکتا ہے۔

بھارتی حکام نے حادثے کی تحقیقات کا حکم دے دیا ہے جبکہ HAL نے اپنے پائلٹ کی محفوظ حالت کی تصدیق کرتے ہوئے تکنیکی خرابی کو حادثے کی بنیادی وجہ قراردیا ہے۔

خیال رہے کہ تکنیکی خرابی کے باوجود طیارے کو ایئر شو میں شامل کیا گیا،آئل لیک کی وجہ سے تیجس طیارہ پہلے ہی سوشل میڈیا پر تماشہ بنا ہوا تھا۔

ترجمان بھارتی فضائیہ نےحادثے میں پائلٹ کی ہلاکت کی تصدیق کردی ہے،حادثے کی وجوہات جاننے کیلئے تحقیقات کی جارہی ہے۔