پی سی بی کاخواتین کرکٹرز کیلئے سینٹرل کنٹریکٹ کا اعلان

پاکستان کرکٹ بورڈ (پی سی بی) نے خواتین کرکٹرز کے لیے سینٹرل کنٹریکٹ 26-2025 کا اعلان کر دیا۔

سینٹرل کنٹریکٹ میں کھلاڑیوں کو 5 کیٹیگریز میں تقسیم کیا گیا ہے اور تمام کیٹیگریز میں کھلاڑیوں کے معاوضوں میں 50 فیصد اضافہ کیا گیا ہے۔ آئی سی سی ٹی 20 رینکنگز کی نمبر ون بولر سعدیہ اقبال کو کیٹیگری ’اے‘ میں شامل کیا گیا ہے، ان کے ساتھ فاطمہ ثنا، منیبہ علی اور سدرہ امین بھی کیٹیگری اےکا حصہ ہیں۔

🚨 Pakistan women’s central contracts for the 2025-26 season announced

A total of 20 players have been awarded enhanced contracts for the new cycle 📝

Read more: https://t.co/zVONmNbpcb#BackOurGirls pic.twitter.com/eE0x3GA1sC

— Pakistan Cricket (@TheRealPCB) August 6, 2025

 کیٹگری ’ بی‘ میں عالیہ ریاض، ڈیانا بیگ اور نشرا سندھو کو شامل کیا گیا ہے جبکہ کیٹیگری ’ سی‘ کا واحد کنٹریکٹ رمین شمیم کو دیا گیا ہے۔ کیٹیگری ’ڈی ‘ میں 10 کھلاڑی شامل ہیںجو کہ گل فیروزہ، نجیہ علوی، ناتالیہ پرویز، عمائمہ سہیل، صدف شمس، سدرہ نواز، عروب شاہ، طوبیٰ حسن، ام ہانی اور وحیدہ اختر ہیں۔

پی سی بی نے اس بار ابھرتی ہوئی خواتین کرکٹرز کے لیے ’ ایمرجنگ کیٹگری‘ بھی متعارف کرائی ہے جس میں نوجوان کھلاڑی ایمان فاطمہ اور شوال ذوالفقار کو کنٹریکٹ دیا گیا ہے۔