دہشتگردوں کو آبادیوں میں چھپنے نہیں دیں گے، گرینڈ جرگہ بلائیں گے: علی امین گنڈا پورا

 وزیر اعلی خیبر پختونخوا  علی امین گنڈا پور نے کہا ہے کہ امن کے قیام کے لیے عوام، فوج اور پولیس کو ایک صف میں کھڑا ہونا ہو گا، جبکہ دہشتگردوں اور ان کے سہولت کاروں کے خلاف سخت کارروائی کی جائے گی۔ 

تفصیلات کے مطابق انہوں نے اپنے ویڈیو بیان میں واضح طور پر کہا کہ دہشتگرد آبادیوں میں ڈھال بنا کر چھپنے کی کوشش کر رہے ہیں، مگر  انہیں کسی صورت چھپنے نہیں دیا جائے گا۔ 

انہوں نے کہا کہ عوام، حکومت اور فورسز کے درمیان سازشی بنیادوں پر عدم اعتماد پیدا کیا جا رہا ہے، جسے عوامی اتحاد سے ناکام بنایا جائے گا۔ 
وزیر اعلی نے اعلان کیا کہ دہشتگردوں کے خلاف آپریشن میں عوام کا نقصان نہ ہونے کو یقینی بنایا جائے گا، اور ان علاقوں میں ترقیاتی کام بحال کیے جائیں گے جہاں سیکیورٹی خدشات کی وجہ سے کام رکا ہوا ہے۔ 

اعلا ن میں انہوں نے مزید کہا کہ 2 اگست سے جرگوں کا آغاز کیا جائے گا، جن میں سیاسی،سماجی اور قبائلی مشران سے مشاورت ہو گی اور اس کے بعد ایک گرینڈ جرگہ منعقد کر کے مشترکہ پالیسی تیار کی جائے گی۔
انہوں نے واضح الفاظ میں کہا کہ خیبر پختونخوا کی معدنیات پر صرف عوام کا حق ہے اور وہ یہ حق کسی اور کو دینے کے لیے تیار نہیں۔