عوام کے لیے اچھی خبر ،ایل پی جی کی قیمتوں میں بڑی کمی،نوٹیفکیشن جاری 

اسلام آباد: مہنگائی سےپریشان شہریوں کے لیے خوشخبری،وفاقی حکومت نے ایل پی جی کی قیمتوں میں نمایاں کمی کر دی ہے۔

اس حوالے سے آئل اینڈ گیس ریگولیٹری اتھارٹی (اوگرا) کی جانب سے ایل پی جی کی قیمتوںمیں کمی کا نوٹیفکیشن جاری کر دیا گیاہے۔

جاری کر دہ نوٹیفکیشن کے مطابق ایل پی جی کے گھریلو سلنڈر کی قیمت میں 209 روپے کی کمی کی گئی ہے جس کے بعد سلنڈر کی نئی قیمت 2041 روپے ہو گئی۔

اسی طرح فی کلو گرام ایل پی جی کی قیمتوں میں 17 روپے 73 پیسے کی کمی کی گئی ہے،ہےجس کے بعد نئی قیمت 215 روپے 37 پیسے مقرر کی گئی ہے۔

جاری کر دہ نوٹیفکیشن کے مطابق قیمتوں کا اطلاق اگست کے لیے ہو گا۔