جسٹن ٹروڈو اور کیٹی پیری کے درمیان ڈیٹنگ کی افواہیں، تصویریں منظر عام پر آگئیں

حال ہی میں اپنے اپنے ساتھیوں سے علیحدہ ہونے والے جسٹن ٹروڈو اور کیٹی پیری کو ایک ساتھ دیکھنے کے بعد دونوں کے درمیان تعلقات کی افواہیں زور پکٹر رہی ہیں ۔ 

تفصیلات کے مطابق کینیڈا کے سابق وزیر اعظم جسٹن ٹروڈو اور عالمی شہرت یافتہ امریکی گلوکارہ کیٹی پیری کے درمیان مبینہ رومانوی تعلقات کی خبریں غیر ملکی میڈیا پر گردش کرنے لگی ہیں۔ 

رپورٹس کے مطابق دونوں شخصیات کو حال ہی میں کینیڈین شہر مونٹریال کے ایک اعلی درجے کے ریسٹورنٹ میںتقریبا 2 گھنٹے ایک ساتھ وقت گزارتے دیکھا گیا ہے۔
ذرائع کے مطابق، جسٹن ٹروڈو اور کیٹی پیری نے شام کا آغاز کاک ٹیلز سے کیا اور پھر ٹونا، لوبسٹر اور ایسپراگس سمیت کئی مہنگے کھانوں سے لطف اندوز ہوئے، لیکن اس کی نوعیت کے بارے میں کوئی سرکاری بیان سامنے نہیں آیا۔

دلچسپ بات یہ ہے کہ دونوں شخصیات حال ہی میں اپنی پرانی محبتوں سے علیحدہ ہوچکی ہیں۔ کیٹی پیری نے اپنے منگیتر اور اداکار لینڈو بلوم سے رواں ماہ علیحدگی اختیار کی، جبکہ جسٹن ٹروڈو نے اگست 2023 میں اپنی اہلیہ صوفی گریگوار سے طلاق کا اعلان کیا تھا۔ 

ریسٹورنٹ انتظامیہ جسٹس ٹروڈو یا کیٹی پیری کی جانب سے اس ملاقات پر کوئی تبصرہ سامنے نہیں آیا، لیکن سوشل میڈیا پر شائع ہونے والی تصویروں نے ان افواہوں کو مزید ہوا دی ہے۔