بھارت کی جنگی تیاریوں کا جواب پاکستان کا نصر میزائل ہے ، سیکیورٹی حکام

سیکیورٹی ذرائع کے مطابق بھارت نے 28 اور 29جولائی کو اڑیسہ کے ساحل پر واقع ڈاکڑ اے پی جے عبدالکلام جزیرے سے پریلے میزائل کے تجربات کیے ۔

بھارت کے ان تجربات سے  خطے میں اسلحہ کی دوڑ اور کشیدگی میں اضافہ ہوا ہے، ذرائع کا کہنا ہے کی یہ تجربات جنگی ماحول پیدا کرنے کی کوشش ہیں ۔

 تفصیلات کے مطابق ان بھارتی اقدامات کے جواب میں پاکستان کے پاس  نصر حتف 9 میزائل کا موئثر دفاعی نظام موجود ہے، جو مختصر فاصلے تک جوہری وارہیڈ لے جانے کی صلاحیت رکھتا ہے۔

 سیکیورٹی ماہرین کے مطابق نصر میزائل دشمن کے پہلے حملے کو ناکام بنانے کی مکمل صلاحیت رکھتا ہےاور بھارت کی جنگی جنونیت کا مؤثر توڑ ہے۔ 

یہ صورت حال ایک بار پھر جنوبی ایشیا میں امن و استحکام کے لیے خطرے کی گھنٹی  بن چکی ہے۔  

 یاد رہے کہ بھارت نے اس عرصے میں کشمیر کے علاقے پہلگام میں بھی سنگین دہشت گردانہ حملے کا تجربہ کیاتھا، جس کے نتیجے میں کئی افراد جاں بحق ہوئے تھے۔