سونے کی قیمت میں ہزاروں روپے کی کمی ،فی تولہ کتنے کا ہو گیا؟

کراچی: عالمی و مقامی مارکیٹوں میں سونے کی قیمت میں نمایاں کمی ریکارڈ کی گئی ہے۔

آل پاکستان جیمز اینڈ جیولرز ایسوسی ایشن کے مطابق کاروباری ہفتے کے چوتھے روز ملک میں فی تولہ سونے کی قیمت میں 2000 روپے کی کمی ہوئی ہے جس کے بعد مقامی مارکیٹ میں سونے کی نئی قیمت  3لاکھ 53 ہزار روپے کی سطح پر آگئی۔

اسی طرح دس گرام سونے کی قیمت میں بھی 1714روپے کی کمی ریکارڈ کی گئی جس کے بعد سونے کی نئی قیمت  3لاکھ 2ہزار 641روپے کی سطح پر آگئی۔

اسی طرح فی تولہ چاندی کی قیمت بھی 63روپے کی کمی سے 3ہزار 900روپے اور دس گرام چاندی کی قیمت بھی 53روپے کی کمی سے 3ہزار 344روپے کی سطح پر آگئی۔

دوسری جانب عالمی بلین مارکیٹ میں فی اونس سونے کی قیمت میں 20 ڈالر کی کمی ہوئی ہے جس عالمی مارکیٹ میں سونے کی نئی قیمت 3ہزار 303 ڈالر فی اونس ہو گئی ہے۔