ورلڈ چیمپئن شپ آف لیجنڈز کا فائنل کل پاکستان اور جنوبی افریقہ کے درمیان کھیلا جائے گا

لندن: ورلڈ چیمپئن شپ آف لیجنڈز کا فائنل کل پاکستان چیمپیئنز اور جنوبی افریقہ چیمپیئنز کے درمیان کھیلا جائے گا۔

پہلے سیمی فائنل میں بھارت چیمپیئنز نے پاکستان چیمپیئنز سے کھیلنے سے انکار کردیا تھا جس کے بعد پاکستان فائنل میں پہنچ گیا تھا۔

جبکہ دوسرے سیمی فائنل میں جنوبی افریقہ چیمپئنز نے آسٹریلیا چیمپئنز کو سنسنی خیز مقابلے کے بعد ایک رنز سے ہرا کر فائنل کے لیے کوالیفائی کیا۔

جنوبی افریقہ نے پہلے کھیلتے ہوئے 186 رنز بنائے، جنوبی افریقہ کی طرف سے مورنی وین ویک 76 رنز جبکہ اسٹمس 57 رنز بنا کر نمایاں رہے۔

187 رنز کے تعاقب میں آسٹریلیا نے شاندار کھیل کا مظاہرہ کیا لیکن اسے ایک رنز سے شکست کا سامنا کرنا پڑا۔

 مقررہ اوورز میں آسٹریلیا چیمپیئنز سات وکٹوں کے نقصان پر 185 رنز بنا سکے۔

 ورلڈ چیمپئن شپ آف لیجنڈز کا فائنل کل پا کستان چیمپیئنز اور جنوبی افریقہ چیمپیئنز کے درمیان کھیلا جائے گا۔