ایف بی آر نے گزشتہ سال کے مقابلے میں 14 فیصد زائد ریونیو جمع کرلیا

فیڈرل بورڈ آف ریونیو نے گزشتہ سال کے مقابلے میں 14 فیصد زائد ریونیو جمع کرلیا ہے۔

ایف بی آر نے جولائی 2025 کے لیے مقرر کردہ 748.1 ارب روپے کے ہدف سے زائد، 754 ارب 40 کروڑ روپے کا نیٹ ٹیکس اکٹھا کر کے ہدف عبور کر لیا ہے۔

بین الاقوامی مالیاتی فنڈ پروگرام کے تحت حکومت نے مالی سال 2025 کے بجٹ میں اضافی 10 کھرب 50 ارب روپے کے ریونیو اقدامات متعارف کرائے ہیں، ان میں 655 ارب روپے نئے ٹیکس اقدامات سے اور 400 ارب روپے سخت نفاذ سے حاصل کئے جائیں گے۔

جولائی کی وصولیوں کی تفصیل کے مطابق 324 ارب انکم ٹیکس، سیلز ٹیکس کی مد میں 353 ارب روپے، فیڈرل ایکسائز ڈیوٹی کی مد میں 46 ارب روپے اور کسٹمز ڈیوٹی کی مد میں 113 ارب روپے اکٹھے کیے گئے۔