لاہور کی تاریخ میں نیا موڑ ، خاتون اورنج لائن ٹرین کی پہلی ڈرائیور بن گئی

لاہور : لاہور میں پہلی بار خاتون نے اورنج لائن ٹرین کی ڈرائیونگ سیٹ سنبھال لی، ندا صالح کو 6 ماہ کی ٹیکنیکل ڈرائیونگ تربیت دی گئی۔ 
انہوں نے باقاودہ طور پر اورنج لائن ٹرین کی ڈرائیور کی حیثیت سے فرائض سنبھال لیے ہیں۔

تفصیلات کے مطابق وزیر اعلی پنجاب مریم نواز نے ندا صالح کو سراہتے ہوئے کہا کہ ایسی بیٹیاں ہمارا فخر ہیں، ہماری بیٹیاں کسی سے کم نہیں۔ 
مریم نواز نے مزید کہا کہ پنجاب حکومت خواتین کو مساوی مواقع فراہم کرتی رہے گی ، لاہور میں جدید ٹرانسپورٹ کا الیکٹرک ٹرام کا منصوبہ تکمیل کے قریب ہے۔ 

تین باکسز پر مشتمل الیکٹرک ٹرام مکمل طور پر بجلی پر چلے گی، ایک بار چارجنگ کے بعد 25-27 کلو میٹر تک چلنے کی صلاحیت رکھتی ہے۔ 

 ٹرام میں 250مسافروں کی گنجائش ہو گی۔ ٹرام کی اسمبلنگ علی ٹائون ڈپو میں جاری ہے، منصوبہ پائیلٹ پروجیکٹ کے طور پر شروع ہو گا۔