پاکستان کا اسرائیل کو تسلیم کرنے کوئی منصوبہ نہیں،اسحاق ڈار

نیویارک: نائب وزیراعظم و وزیر خارجہ سینیٹر اسحاق ڈار نے کہا ہےکہ پاکستان اسرائیل کو تسلیم کرنے کا کوئی منصوبہ نہیں۔

تفصیلات کے مطابق نیویارک میں پریس کانفرنس کرتے ہوئے اسحق ڈار نے کہا کہ سندھ طاس معاہدے کو کوئی بھی یکطرفہ طور پر ختم نہیں کر سکتا، تین دریاؤں پر ہمارا حق ہے، بھارت کے ساتھ دنیا میں کہیں بھی مذاکرات کیلئے تیار ہیں۔

پریس کانفرنس کرتے ہوئےانہوں نےکہا کہ مسئلہ جموں و کشمیر کے حل کے بغیر امن قائم نہیں ہو سکتا، فیلڈ مارشل عاصم منیر کی قیادت میں پاک فوج امن کیلئے کوشاں ہے۔

بانی پی ٹی آئی کے حوالے سے بات کرتے ہوئے وزیر خارجہ اسحاق ڈار کا کہنا تھا کہ بانی پی ٹی آئی کیخلاف کیسز عدالتی معاملہ ہے، اسرائیل کو تسلیم کرنے کا کوئی منصوبہ نہیں۔

وزیر خارجہ اسحاق ڈار کا مزید کا کہنا تھا کہ امریکی وزیر خارجہ مارکو روبیو سے تجارت اور ٹیرف پر بھی بات کی، ٹیرف پر معاہدے کیلئے وزیر خزانہ امریکا پہنچ رہے ہیں، اگلے دو سے تین دن میں ٹیرف پر معاہدہ طے پا جائے گا۔