صدرٹرمپ کی ایک دفعہ مسئلہ کشمیر حل کرنے کیلئے ثالثی کی پیشکش

واشنگٹن: امریکی صدر ڈونلڈ ٹرمپ نےایک دفعہ مسئلہ کشمیر حل کرنے کے لیے ثالثی کی پیشکش کر دی۔
مریکی صدر ڈونلڈ ٹرمپ نے میڈیا سے گفتگو میں کہا کہ پاکستان اور بھارت کی ایٹمی جنگ روکنے پر فخر ہے۔ اور دونوں ممالک کے پاس بڑی تعداد میں جوہری ہتھیار ہیں۔
غیر ملکی خبر رساں ایجنسی کے مطابق ٹرمپ نے وائٹ ہاؤس میں میڈیا سے گفتگو میں کہا کہ ”میرے خیال سے جنگ روکنے پر پوری ریپبلکن پارٹی کو کریڈٹ دینا چاہیے۔
اپنے بیان انہوں نے مزید کہا کہ میں نے تجارت کے ذریعے پاکستان اور بھارت کے درمیان جنگ روک دی، دونوں ممالک نے میری بات کو سمجھا۔“
امریکی صدر ڈونلڈ ٹرمپ نے مسئلہ کشمیر حل کرنے کے لیے ثالثی کی پیشکش کرتے ہوئے کہا کہ کشمیر کے مسئلے کے حل کے لیے کچھ بھی کر سکتا ہوں۔
انہوں نے کہا کہ پاکستانی وفد تجارت پر گفتگو کے لیے آئندہ ہفتے امریکہ آئے گا۔
صدر ٹرمپ نے ایران کے ساتھ قریبی معاہدے کی بات کرتے ہوئے کہا کہ ”ہم ایران کے ساتھ معاہدے کے بہت قریب تھے اور میں واقعی ایران کے ساتھ جوہری معاہدہ کرنا چاہتا ہوں۔“