پاکستان اور امریکی افواج کی مشترکہ مشق انسپائرڈ گیمبٹ، دفاعی شراکت داری مزید مستحکم

ویب ڈیسک:پاکستان اور امریکی افواج کی مشترکہ مشق انسپائرڈ گمبٹ سے دفاعی شراکت داری مزید مستحکم ہوگئی، امریکا نے پاکستان کے ساتھ مشترکہ مشق انسپائرڈ گمبٹ کو دفاعی تعلقات میں نئی جہت قرار دیا ہے۔ 

تفصیلات کے مطابق امریکی سینٹرل کمانڈ (سینٹ کام) کے آفیشل ایکس اکاؤنٹ پر جاری بیان میں کہا گیا کہ رواں ہفتے امریکی اور پاکستانی فوج نے نیشنل کاؤنٹر ٹیررازم سینٹر پبی میں مشق انسپائرڈ گمبٹ کے دوران تربیت مکمل کی۔ 

This week, U.S. and Pakistan Army Soldiers completed training at Pakistan's National Counter-Terrorism Center during Exercise Inspired Gambit, which focused on combined infantry skills and tactics, and counterterrorism operations. Training exercises like this between the U.S. and… pic.twitter.com/z8eZNvPKLS

— U.S. Central Command (@CENTCOM) January 16, 2026

اس مشترکہ مشق میں انفنٹری کی مہارتوں، جدید حکمتِ عملیوں اور انسدادِ دہشت گردی کی کارروائیوں پر خصوصی توجہ مرکوز کی گئی۔

اس تربیتی مشق سے دونوں ممالک کی مسلح افواج کے درمیان باہمی اعتماد، ہم آہنگی، عملی تعاون اور طویل المدتی دفاعی تعلقات مزید مضبوط ہوئے ہیں۔

واضح رہے انسپائرڈ گمبٹ 2026 مشق 8 سے 16 جنوری 2026 تک منعقد کی گئی، 2 ہفتوں پر مشتمل مشق میں انسدادِ دہشت گردی پر توجہ مرکوز کی گئی تھی۔

انسپائرڈ گمبٹ 1995 سے جاری دو طرفہ تربیتی سلسلے کی 13ویں کڑی ہے، امریکا اور پاکستان کی یہ مشترکہ تربیتی مشقیں دیرینہ دفاعی تعلقات کا مظہر ہیں۔