بختاور بھٹو اور محمود چودھری کا نکاح،بلاول نے تصاویر شیئر کردیں

سابق صدرآصف علی زرداری کی صاحبزادی اور پاکستان پیپلزپارٹی کے چیئرمین بلاول بھٹو زرداری کی بہن بختاور بھٹو محمود چودھری سے رشتہ ازدواج میں منسلک ہو گئیں،نکاح کی تقریب بلاول ہاؤس کراچی میں منعقد ہوئی اورٹھٹھہ سے تعلق رکھنے والے الحاج غلام محمد سوہو نے نکاح پڑھایا۔ تقریب میں آصف علی زرداری، بلاول بھٹو زرداری، صنم بھٹو، فریال تالپور، چوہدری یونس سمیت دونوں خاندانوں کی قریبی شخصیات نے شرکت کی۔ بختاور بھٹو کا نکاح بلاول ہاوس کے رہائشی کمپاؤنڈ میں ہوا اور نکاح کےبعد محمود چودھری اور بختاور بھٹو نے اہلخانہ کےساتھ تصاویر بنوائیں،نکاح کےبعد آصف علی زرداری دلہا دلہن کے ہمراہ تقریب کے لئے بنائے ہال میں پہنچے،تقریب نکاح میں 150 سےزائد مہمان شریک تھے،دولہا محمود چودھری نے سفید رنگ کا لباس زیب تن کیاتھا،حق مہرمیں 132تولہ چاندی لکھا گیا ہے جبکہ آصف زرداری گواہ اوربلاول وکیل ہے۔

میری بہن بختاور بھٹو زرداری کی شادی ایک طویل عرصے بعد آنے والا خوشیوں کا لمحہ ہے، مجھے ایسا لگا کہ مسرت کے اس لمحے میں میری والدہ ہمیں دیکھ رہی ہیں، میری جانب سے دونوں کو ایک ساتھ نئی زندگی کی ابتداء کی مبارک باد ہو- ماشاءاللہ ! https://t.co/5wdweW341F

— BilawalBhuttoZardari (@BBhuttoZardari) January 29, 2021

پاکستان پیپلزپارٹی کے چیئرمین بلاول بھٹو زرداری نے اپنی بہن بختاور بھٹو کے محمود چودھری کے ساتھ نکاح کی تصاویر ٹوئٹر پر شیئر کردیں۔اور اپنے پیغام میں کہا کہ میری بہن بختاور بھٹو زرداری کی شادی ایک طویل عرصے بعد آنے والا خوشیوں کا لمحہ ہے،مجھے ایسا لگا کہ خوشیوں کے اس لمحے میں میری والدہ ہمیں دیکھ رہی ہیں،میری جانب سے دونوں کو ایک ساتھ ایک نئی زندگی کی ابتداء کی مبارک باد ہو۔