پاکستان میں خود کو جنوبی افریقہ سے بھی محفوظ سمجھا: مارک باؤچر

پاکستان کا دورہ مکمل کر کے واپس لوٹنے والی جنوبی افریقہ کرکٹ ٹیم کے ہیڈ کوچ مارک باؤچر نے کہا ہے کہ دورہ پاکستان سے بہت کچھ سیکھنے کا موقع ملا، یہ ایک شاندار دورہ تھا ۔ انہوں نے کہا کہ یہاں سب سے بڑا سوال سیکورٹی کا تھا،میں نے یہاں خود کو جنوبی افریقہ سے بھی محفوظ سمجھا۔ 

جنوبی فریقہ کرکٹ ٹیم کے ہیڈ کوچ نے بتایا کہ یہاں سب کچھ ایک خواب کی مانند لگا، ہمیں یہاں ریورس سوئنگ اور گیند کا اسپن ہونا متوقع تھا۔ مارک باؤچر نے قومی ٹیم کے بلے باز محمد رضوان کی کارکردگی کو خوب سراہا اور کہا کہ محمد رضوان نے دونوں فارمیٹ میں بہتر کھیل پیش کیا۔ 

واضح رہے کہ پاکستان نے جنوبی افریہ کو ٹیسٹ سیریزمیں کلین سوئپ کے بعد ٹی ٹوئنٹی سیریز بھی1-2 سے اپنے نام کر لی ۔ گزشتہ شب تیسرے اور فیصلہ کن ٹی ٹوئنٹی میں پاکستان نے جنوبی افریقہ کو 4 وکٹوں  سے شکست دی ،  کپتان بابر اعظم 44 رنز کے ساتھ ٹاپ سکورر رہے، محمد رضوان نے 42، حیدر علی  نے 15 رنز بنائے جبکہ  فہیم اشرف نے 10، آصف علی نے 7 رنز کا اضافہ کیا۔حسن علی 20، محمد نواز 18 رنز بناکر ناٹ آؤٹ رہے۔