پی ایس ایل ٹکٹوں کی فروخت سے قبل پی سی بی کا این سی او سی سے رابطہ

جی این این کے مطابق پی ایس ایل 6 کے لیے ٹکٹوں کی فروخت سے متعلق پی سی بی اور این سی او سی حکام کے درمیان رابطہ ہوا ہے ، جس  میں  کرکٹ بورڈ نے فیملیز کے لیے کورونا پروٹوکولز مانگے ہیں ،جس کی وجہ سے ٹکٹوں کی فروخت تاخیر کا شکار ہے۔ نیشنل کمانڈ اینڈ آپریشن سینٹر (این سی او سی)  سے ہدایت ملنے کے بعد ٹکٹوں کی آن لائن سیل شروع ہوگی۔ 

پی سی بی  کی جانب سے  این سی او سی  حکام کو ارسال خط میں کہا گیا کہ ہے کہ کیا ایک فیملی کے افراد کے لیے سماجی فاصلے ضروری ہیں ؟ اور کتنی عمر تک کے بچوں کو اسٹیڈیم میں آنے کی اجازت ہوگی ؟ پی سی بی حکام کے مطابق ٹکٹوں کی قمیت 5 سو سے 5 ہزار تک رکھی گئی ہے، جبکہ افتتاحی ، فائنل اور ویک اینڈ میچز کے لیے ٹکٹس کی قمیتیں مختلف مختلف ہوں گی، لاہور اور کراچی اسٹیڈیم میں فیملیز کے لیے الگ الگ انکلوژرز مخصوص ہوں گے ۔