بھارت میں مذہبی انتہا پسندی عروج پر،ائیر انڈیا کی پرواز میں مسلم مسافر پر تشدد، ویڈیو وائرل

نئی دہلی: انتہا پسند مودی کے دور حکومت میں بھارت میں مسلم دشمنی عروج پر ہے حال ہی میں بھارتی ائیر لائن ’’ایئر انڈیا‘‘ کی ایک پرواز میں مسلمان مسافر کے ساتھ مسلم  دشمنی کا افسوسناک واقعہ سامنے آیا ہے، جہاں ایک مسافر نے سفر کے دوران گھبراہٹ کا شکار مسلم نوجوان کو تھپڑ مار دیا۔

 تفصیلات کے مطابق واقعے کی ویڈیو سوشل میڈیا پر وائرل ہوگئی ہے جس میں دیکھا جاسکتا ہے کہ نوجوان کو مدد کے بجائے تشدد کا نشانہ بنایا گیا، حالانکہ ایئر ہوسٹس نے حملہ آور کو روکنے کی کوشش کی مگر وہ باز نہ آیا۔

بھارتی میڈیا کا کہنا ہے کہ ائیر لائن انتظامیہ نے واقعے کی اطلاع متعلقہ حکام کو دے دی ہے، تاہم ویڈیو سامنے آنے کے بعد سوشل میڈیا صارفین کی جانب سے شدید رد عمل دیکھنے میں آیا ہے۔ 

Muslim man was having a panic attack and crying, as it was his first time flying.

Cabin crew was helping him but a sanghi man slapped him just because he was wearing a skull cap.

This sanghi man should be barred from flying.pic.twitter.com/u6MHZy4QPh

— Dr Nimo Yadav 2.0 (@DrNimoYadav) August 1, 2025

صارفین نے تشدد کرنے والے مسافر پر فضائی سفر کی پابندی لگانے اور اُسے نو فلائی لسٹ میں شامل کرنے کا مطالبہ کیا ہے۔

دوسری جانب ڈاکٹر و ں کا کہنا ہے کہ گھبراہٹ یا پینک اٹیک کے شکار افراد کو تشدد کی بجائے ہمدردی اور مدد کی ضرورت ہوتی ہے۔