عالمی و مقامی مارکیٹوں میں سونا پھر سستا ،فی تولہ کتنے کا ہو گیا؟

کراچی:سونے کی عالمی اور مقامی مارکیٹوں میں مسلسل دوسرے روز کمی ریکارڈ کی گئی۔

آل پاکسان جیمز اینڈ جیولرز ایسوسی ایشن کے مطابق کاروباری ہفتے کے آخری روز مقامی مارکیٹوں میں سونے کی قیمت میں 100 روپے کی کمی ریکارڈ کی گئی جس کے بعد سونے کی نئی قیمت 3لاکھ 52ہزار 900روپے کی سطح پر آگئی۔

اسی طرح 10 گرام سونے کی قیمت بھی 86روپے کی کمی ہوئی جس کے بعد سونے کی نئی قیمت 3لاکھ 2ہزار 555روپے کی سطح پر آگئی۔

سونے کی قیمت میں کمی کے برعکس فی تولہ چاندی کی قیمت بغیر کسی تبدیلی کے 3ہزار 900روپے اور 10 گرام چاندی کی قیمت بھی بغیر کسی تبدیلی کے 3ہزار 344روپے کی سطح پر مستحکم رہی۔

دوسری جانب عالمی بلین مارکیٹ میں فی اونس سونے کی قیمت ایک ڈالر کم ہونے سے 3ہزار 302ڈالر کی سطح پر آ گئی۔