بنگلہ دیش کو دوسرے ٹیسٹ میچ میں بھی شکست ،سیریز سری لنکا کے نام

کولمبو: سری لنکا نے بنگلہ دیش کو ایک اننگز اور 78 رنز سے شکست دے کر دو ٹیسٹ میچز کی سیریز ایک صفر سے اپنے نام کر لی۔

کولمبومیں کھیلے جانےوالے دوسرے ٹیسٹ میچ میں سری لنکا کی جانب سے پرابھاتھ جے سوریا نے 5 کھلاڑیوں کو آؤٹ کیا جبکہ دوسری اننگز میں بنگلہ دیش کی جانب سے مشفق الرحیم 26 رنز بنا کر نمایاں رہے۔

سری لنکا نے اپنی پہلی اننگز میں 458 رنز بنائے، سری لنکا کی جانب سے پاتھم 158 رنز بنا کر نمایاں رہے، ان کے علاوہ دنیش چندیمل 93 اور کوسل مینڈس 84 رنز بنا کر نمایاں رہے۔

واضح رہے کہ بنگلہ دیش نے اپنی پہلی اننگز میں 247 رنز بنائے تھے، پہلی اننگز میں شادمان اسلام 46 رنز بنا کر نمایاں رہے۔ ان کے علاوہ مومن الحق 21، نجمل الحسن شانتو 8، مشفق الرحیم 35، لٹن داس 34، مہدی حسن 31، نعیم حسن 25 اور تیجل اسلام 33 رنز بنا سکے۔

دوسری اننگز میں بنگلہ دیش کی پوری ٹیم 133 رنز بنا کر آؤٹ ہو گئی، اس طرح سری لنکا کی ٹیم نے دوسرا ٹیسٹ میچ ایک اننگز اور 78 رنز سے جیت لیا۔