انسٹاگرام نے "ریسینٹلی ڈیلیٹڈ" فیچر متعارف کرادیا

غیر ملکی خبر رساں ادارے کے مطابق معروف فوٹو شیئرنگ ایپ انسٹا گرام نے ایک ایسا فیچر متعارف کرایا ہے جس کے ذریعے صارفین ڈیلیٹ کی جانے والی پوسٹس اور ویڈیوز واپس لا سکتے ہیں۔

 انسٹاگرام  کے مطابق  اکثر ہیکرز صارفین کے اکاؤنٹ سے ان کی پوسٹس ڈیلیٹ کر دیتے ہیں اورانسٹاگرام  میں ان پوسٹس کو واپس لانے کا کوئی آپشن موجود نہیں تھا، لیکن  اب انسٹاگرام کے نئے فیچر 'ریسینٹلی ڈیلیٹڈ' کے ذریعے صارفین ایپ سے ڈیلیٹ کی جانے والی تصاویر، ویڈیوز، آئی جی ٹی وی ویڈیوز کو ری کور کرسکیں گے۔

اس فیچر کو استعمال کرنے کیلئے  صارفین کو سب سے پہلے انسٹاگرام کو اپڈیٹ کرنا ہوگا اور  انسٹاگرام کی سیٹنگ میں جا کر اکاؤنٹ کے آپشن کو کھولنا ہوگا۔اکاؤنٹ کے آپشن میں جانے کے بعد آپ کو 'ریسینٹلی ڈیلیٹ' کا آپشن نظر آئے گا۔جس پر کلک کرنے کے بعد آپ کو ڈیلیٹ کی جانے والی تصاویر، ویڈیوز، آئی جی ٹی وی ویڈیوز نظر آ جائیں گی۔