نیویارک اسمبلی میں کشمیر ڈے سےمتعلق قرار داد منظور

تفصیلات کے مطابق   امریکا میں کشمیر ڈے  منظور کرنے والی نیویارک پہلی ریاست بن گئی ہے۔  قرارداد منظور کرنے کے بعد گورنر نیو یارک اینڈریو کوومو نے نوٹیفکیشن جاری کردیا ہے۔ قرارداد کے ذریعے بھارتی فوج کے مظالم اور کشمیریوں کے ساتھ اظہار یکجہتی کرتے ہوئے ان کے بنیادی حقوق کو تسلیم کرلیا گیا ہے۔ مظلوم کشمیریوں کی آواز امریکی ایوانوں تک پہنچانے میں پاکستان امریکا گروپ کی خصوصی کاوشیں شامل ہیں۔

 امریکا میں پاکستان کے  سفیر ڈاکٹر اسد مجیدخان  نے کشمیر ڈےقرارداد منظوری کا خیرمقدم کرتے  ہوئے کہا کہ وہ قرار داد منظور کرنے پر اسمبلی ممبران کے شکر گزار ہیں ۔ اسد مجید خان   نے نیویارک میں ویبی نار سے خطاب کرتے ہوئے کہا کہ  مقبوضہ کشمیر کے عوام پر بھارتی مظالم کیخلاف عالمی برادری اُٹھ کھڑی ہو۔ نیویارک میں پاکستانی قونصل جنرل عائشہ علی نے کہا کہ قرارداد  اسمبلی کے ذریعے منظور کروانے میں پاکستانی برادری نے اہم کردار ادا کیا۔

دوسری جانب نیویارک کے علاقے مین ہیٹن میں پاکستانی اور کشمیری کمیونٹی نے مظاہرہ کیا، سیکڑوں گاڑیوں اور ٹرکوں پر کشمیر کی آزادی کے نعرے درج تھے۔