بھارت میں ٹک ٹاک سمیت 59 چینی ایپلیکیشنز پر مستقل پابندی عائد

بھارتی میڈیا کے مطابق  بھارتی حکومت کا کہنا ہے کہ وہ ان  تمام  ایپس کی طرف سے  فراہم کی جانے والی وضاحت سے مطمئن نہیں ہیں، جس کے بعد ان ایپلیکیشنز پر مستقل پابندی عائد کر دی گئی ہے۔معروف ویڈیو شیئرنگ ایپ  ٹک ٹاک سمیت 59 چینی ایپس پر مستقل پابندی عائد کرنے کا  نوٹیفکیشن بھی  جاری کردیا گیا ہے۔

اس سے قبل بھارت نے ان 59 چینی ایپس پر پابندی عائد کرتے ہوئے کمپنیوں کو سیکیورٹی سے متعلق اپنے مؤقف کی وضاحت کرنے کا موقع فراہم کیا تھا۔

 خیال رہے بھارت نے گزشتہ سال یعنی جون 2020 میں معروف ویڈیو شیئرنگ ایپ ٹک ٹاک سمیت 59 چینی ایپس پر پابندی عائدکی  تھی۔