پانامالیکس،براڈشیٹ معاملے سے پی ٹی آئی کا کوئی لینا دینا نہیں:شبلی فراز

میڈیا سے گفتگو کرتے ہوئے وزیراطلاعات و نشریات  شبلی فراز کا کہنا تھا کہ بدقسمتی سے ہمارے معاشرے میں کرپشن کو برا نہیں سمجھا جاتا تھا، پاکستان میں ایک وقت آگیا تھا کہ اگر کوئی کرپشن نہیں کرتا تھا تو اس کو ہارا ہوا انسان سمجھا جاتا تھا، حکمرانوں پرکرپشن کےالزامات لگےتوان کواین آاوکے ذریعے راستہ دیا گیا،جنہوں نےکرپشن کی انہوں نےسودےبازی کی اوراس وقت کے لوگوں نے انہیں سہولت دی، ملک میں این آراوز کا کلچر ملک کو پیچھےلے گیا،این آر او سے ملک کی اخلاقی حیثیت پر سمجھوتا ہوتارہا۔

انہوں نے مزید کہا کہ براڈشیٹ کیس نےثابت کیاکہ کرپشن کرنےوالوں کوچھوڑا گیااورکچھ تو وزیراعظم اور صدر بھی بنے، براڈشیٹ معاملہ سامنے آنے سے ہماری پارٹی کا موقف سچ ثابت ہوا،ماضی میں کرپٹ لوگوں کو سیاسی مصلحت کے تحت محفوظ راستے دیئے گئے، پانامالیکس اور براڈشیٹ معاملے سے پی ٹی آئی کا کوئی لینا دینا نہیں،ہمارا فرض بنتا ہے کہ براڈشیٹ معاملے کی پوری تحقیقات کرائیں، براڈشیٹ معاہدہ حکومت پاکستان نےکیاتھا اورجب معاہدہ ہواتو اس کی لاج رکھنی پڑتی ہے۔

شبلی فراز نے مزید کہا کہ سینیٹ الیکشن میں لوگ اور ووٹ خریدے جاتے ہیں، اگر ہمیں سینیٹ الیکشن کےحوالےسےپارلیمنٹ میں بھی جاناپڑاتو جائیں گے،سب کو معلوم ہے سینیٹ الیکشن میں ووٹ بیچے جاتے ہیں اور پیسے دیے جاتے ہیں،کیا فائدہ کہ سینیٹ میں ایسے لوگ آئیں جو پیسے دے کر سیٹ حاصل کریں،وزیراعظم نے واضح طور پر کہا کہ سینیٹ الیکشن میں اوپن بیلٹ ہونا چاہیے،ہمیں آخرمعلوم ہوکہ کون لوگ ہیں جوسینیٹ الیکشن میں شفافیت نہیں چاہتے۔

وفاقی وزیر شبلی فراز نےکہا کہ سابقہ ادوار میں ایگریکلچر پر دھیان نہیں دیا گیا لیکن اب پاکستان میں لارج سکیل مینوفیکچرنگ ہورہی ہے،ہم بجلی کی قیمت نہ بڑھاتے تو گردشی قرضے بڑھ جاتے،11ٹریلین پاکستان کا قرضہ بڑھا ہے۔