پاکستان اسٹاک ایکسچینج 100 انڈیکس میں 199 پوائنٹس کا اضافہ

تفصیلات کے مطابق  پاکستان اسٹاک ایکسچینج 100(پی ایس ایکس) میں کاروبار کا اختتام،  100انڈیکس 199پوائنٹس اضافےسے بند ہوا۔ جس کے بعد انڈیکس 46 ہزار 287 پوائنٹس کی سطح پر بند ہوا، جبکہ انڈیکس کی بلند ترین سطح 46 ہزار 398 رہی۔پورے دن میں 18 ارب 58 کروڑ72لاکھ39ہزار59 مالیت کے34کروڑ 15لاکھ 73ہزار 515 شیئرز کا کاروبار کیا گیا۔

ڈالر کی صورتحال:

انٹر بینک میں ڈالر16 پیسے سستا ہوگیا، فاریکس ڈیلرز کے مطابق  انٹربینک میں ڈالر 160.64 روپے پر بند ہوا۔

سونے کی قیمت:

دوسری جانب سونے کی قیمت میں کمی، فی تولہ سونا 250 روپے کمی سے 113200 روپے پر آگیا۔فی 10 گرام سونا 215 سستا ہوکر 97050 روپے میں فروخت ہوا۔عالمی مارکیٹ میں سونا 9 ڈالر کمی سے 1854 ڈالر فی اونس میں فروخت ہوا۔

گزشتہ روز  پاکستان اسٹاک ایکسچینج میں تیزی دیکھی گئی تھی، 100 انڈیکس 46 ہزار پوائنٹس کی نفسیاتی سطح پر بحال ہوگیا تھا۔ پاکستان اسٹاک ایکسچینج میں 219پوائنٹس کی تیزی کے ساتھ کاروبار کا اختتام ہوا۔جس کے بعد انڈیکس 46 ہزار 87 پوائنٹس کی سطح پر بند ہوا۔ پورے دن میں 13 ارب 53 کروڑ52لاکھ81ہزار8سو48 مالیت کے25کروڑ 82لاکھ 99ہزار 827 شیئرز کا کاروبار کیا گیا۔