آن لائن امتحان نہ لینے پر طلباء کا احتجاج

تفصیلات کے مطابق  لاہور ، اسلام آباد اور فیصل آباد کے طلبا آن لائن امتحان نہ لینے پر سڑکوں پر آگئے،لاہور کے علاقے خیابان جناح  میں  طلباء کا احتجاج، طلباء  نے نجی یونیورسٹی کے گیٹ پر ڈنڈے اور پتھر مار کر گیٹ توڑ دیا۔سیکیورٹی گارڈ کے لاٹھی چارج کے باعث 7 طلباء زخمی ہوگئے، جن کو جناح اسپتال منتقل کردیا گیا ہے ، جن میں سے 2 طلباء کی حالت تشویش ناک ہے۔طلباء نے مطالبات پورے ہونے تک دھرنا دیدیا۔

لاہور میں  طلبہ نے میرے پاس تم ہو کے رائٹر خلیل قمر کی گاڑی کو گھیر لیا، طلبہ نے خلیل قمر سے گاڑی میں بیٹھے سیلفیاں لیں ، طلبہ نے خلیل قمر کو احتجاج بارے لکھنے کا بھی کہا، خلیل قمر نے طلبہ کی بات سن کر رستہ ہی بدل لیا۔

فیصل آباد میں طلباء کے احتجاج پر انتظامیہ کا ایکشن ،پولیس کا طلباء پرلاٹھی چارج،دو طلباء زخمی ہوگئے ، پکڑ دھکڑ شروع کردی گئی اور گرفتار5 طلباء کو تھانے منتقل کردیا گیا۔طلباء کا مطالبہ ہے کہ اگر آن لائن پڑھایا ہے تو امتحان بھی آن لائن لیں۔طلباء نے شیخوپورہ روڈ کو ٹریفک کیلئے بند کردیا ہے۔

دوسری جانب اسلام آباد میں طلباء نے ہائر ایجوکیشن کمیشن (ایچ ای سی) کے سامنے دھرنا دے دیا ہے۔

طلباء گزشتہ دن سے آن لائن امتحان لینے کیلئے سراپا احتجاج ہیں ، ان کا مطالبہ ہے کہ جب یونیورسٹیوں نے آن لائن پڑھایا ہے تو  امتحان بھی آن لائن لیا جائے۔