نجی ہسپتال سے ملنے والی طالبہ کی لاش کی تحقیقات میں اہم پیش رفت

تفصیلات کے مطابق  لاہور کے علاقہ نواب ٹاون کے ایک نجی ہسپتال سے ملنے والی طالبہ کی لاش کی تحقیقات میں اہم پیش رفت سامنے آئی ہے ۔ پولیس نے مریم کی لاش کو ہسپتال لانے والے ایک ملزم کو گرفتار کرلیا ۔ جبکہ دوسرے ملزم کی گرفتاری کے لئے کوشیشیں جاری ہیں ۔   پولیس کےمطابق ملزم اسامہ نے اپنا بیان ریکارڈ کروادیا ہے ۔ملزم نے پولیس کو بتایا اسکی  مریم  سے دوستی تھی اور مریم حاملہ بھی تھی ۔ نجی کلینک میں استقاط حمل کے دوران مریم کی طبعیت خراب ہوئی جسے وہ بڑے ہسپتال لایا جہاں وہ جانبر نہ ہوسکی۔

ملزموں  کی سی سی ٹی وی فوٹیج  بھی سامنے آگئی ہے  جس میں دیکھا  جا سکتاہےسفید گاڑی پر لڑکی کو ہسپتال لایاگیا۔ مریم کے والد  کاکہناہے اسکی بیٹی کالج کی فیس جمع کرانے لاہور آئی ۔  متوفیہ کے پاس ایک لاکھ بیس ہزار روپے تھے متوفیہ گجرات کی رہائشی اور گورنمنٹ کالج یونیورسٹی کی طالبہ تھی،مریم  کی لاش پوسٹمارٹم کے بعد ورثاء کے حوالے کردی گئی ہے۔