پاکستان کے دورے سے پہلے نیوزی لینڈ اور انگلینڈ کے سیکورٹی ایکسپرٹ پہنچ گئے

تفصیلات کے مطابق نیوزی لینڈ کے ڈیوڈ سنئیر گزشتہ روز لاہور پہنچے تھے جبکہ اب انگلینڈ کے سیکورٹی ایکسپرٹ ریگ ڈیکاسن بھی پاکستان پہنچ گئے ہیں۔ نیوزی لینڈ اور انگلینڈ  بورڈز نے انتظامات کے جائزے کے  لیے سیکورٹی ایکسپرٹ کی خدمات حاصل کی ہو ئی ہیں۔سیکورٹی ایکسپرٹس کل سے اپنے کا م کا  آغاز کریں گے۔ قذافی اسٹیڈیم کا دورہ بھی کریں گے۔

ذرائع کے مطابق  ایکسرٹس راولپنڈی بھی جائیں گے ، پنجاب اور وفاق کے ادارے بریفنگز دیں گے ۔ ریگ ڈیکاسن 27 اگست کو واپس چلے جائیں گے ۔ ڈیوڈ سنئیر انگلینڈ ویمنز ٹیم کے دورے تک پاکستان میں رہیں گے۔