ایران نے جوابی کارروائی میں امریکی اہداف کو نشانہ بنانے کا دعوی کر دیا

رائٹرز :ایرانی وزارت خارجہ نے کہا ہے کہ ایران نے اپنے جنوبی ساحل پر امریکی فضائی حملوں کے جواب میں امریکی افواج سے منسلک اہداف کو نشانہ بنایا ہے۔ ایران کا کہنا ہے کہ یہ امریکی فضائی حملے اقوام متحدہ کے چارٹر اور دونوں ممالک کے درمیان جنگ ختم کرنے والی یادداشت کی خلاف ورزی ہیں۔

ایران نے ان اہداف کی نشاندہی نہیں کی اور نہ ہی یہ بتایا کہ وہ کہاں واقع ہیں۔

یہ پیشرفت جمعہ کو آبنائے ہرمز میں ایک کارگو جہاز پر ایرانی ڈرون حملے کے جواب میں امریکی فوج کی جانب سے ایران پر کیے گئے حملے کے ایک دن بعد سامنے آئی ۔

امریکی سینٹرل کمانڈ نے کہا کہ طیاروں نے میزائل اور ڈرون ذخیرہ کرنے کے مقامات اور ساحلی ریڈار سائٹس کو نشانہ بنایا۔ ایرانی میڈیا کا کہنا ہے کہ ایک پروجیکٹائل سِرک میں ایک جیٹی کے قریب علاقے میں گرا جو اس تزویراتی آبی گزرگاہ کے ساحل پر واقع ایک شہر ہے۔

دوسری جانب کچھ پیشرفت کے آثار بھی نظر آئے، تاہم اسرائیل اور لبنان نے اسرائیل اور ایران کی حمایت یافتہ حزب اللہ کے درمیان لڑائی ختم کرنے کے ایک معاہدے پر دستخط کر دیے ہیں۔

دونوں فریقوں نے اس معاہدے کو ایک ابتدائی قدم قرار دیا جس میں حزب اللہ سے ہتھیار ڈالنے اور اسرائیل سے لبنان سے فوجیں واپس بلانے کا مطالبہ کیا گیا ہے لیکن یہ واضح نہیں ہے کہ اس پر عملدرآمد کیسے کرایا جائیگا۔ حزب اللہ کا کہنا ہے کہ وہ تعاون نہیں کرے گی۔