جکارتہ: بیٹری پھٹنے سے عمارت میں خوفناک آگ لگ گئی ، 20 افراد جاں بحق ،متعددزخمی

جکارتہ: انڈونیشیا کے دارالحکومت جکارتہ میں بیٹری پھٹنے سے عمارت میںخوفناک آگ لگ گئی جس کےنتیجے میں 20 افراد جھلس کر جاں بحق ہو گئے جبکہ درجنوں زخمی ہو گئے۔

غیر ملکی خبر رساں ایجنسی رائٹرز کے مطابق عمارت کی پہلی منزل پر آگ لگی جس نے لمحوں میں باقی منزلوں کو لپیٹ میں لے لیا۔

مقامی پولیس حکام کے مطابق جکارتہ میں واقعہ ایک عمارت میں کچھ ملازمین دوپہر کا کھانا کھا رہے تھے جبکہ دیگر دفتر سے نکل چکے تھے،مرنے والوں میں 5 مرد اور 15 خواتین شامل ہیں۔

حکام کا کہنا ہے کہ آگ پہلی منزل پر بیٹری پھٹنے کے باعث لگی ، فائر فائٹرز نے عمارت کے اندر ممکنہ طور پر موجود دیگر لوگوں کی تلاش شروع کر دی ہے۔

واضح رہے انڈونیشیا میں دو سال پہلے بھی نیکل پروسیسنگ پلانٹ میں آگ لگنے کے نتیجے میں 12 افراد جاں بحق اور درجنوں زخمی ہوئے تھے۔