پاکستان اور انڈونیشیا کے درمیان تعاون کے 7 معاہدوں اور مفاہمتی یادداشتوں پر دستخط

اسلام آباد:پاکستان اور انڈونیشیا کے درمیان تعاون کے سات معاہدوں اور مفاہمتی یادداشتوں کی دستاویزات کاتبادلہ ہوا ،وزیراعظم محمدشہبازشریف اور انڈونیشیاکے صدر پرابوووسوبیانتو تقریب میں موجود تھے۔

پاکستان اور انڈونیشیاکے درمیان اعلیٰ تعلیم کے شعبے میں تعاون کا معاہدہ طے پایا ہے ۔ایک اورمعاہدے کےتحت انڈونیشیامیں اعلیٰ تعلیم کے لئے پاکستانی طلباء کو وظائف دیئے جائیں گے۔

دونوں ملکوں کے درمیان چھوٹے اور درمیانے کاروبارکی ترقی کے لئے تعاون کی مفاہمتی یادداشت کاتبادلہ ہوا،جبکہ پاکستان اورانڈونیشیا کے درمیان تاریخی دستاویزات اورآرکائیو محفوظ بنانے کےلئے مفاہمتی یادداشت طے پائی۔

دونوں ملکوں کے درمیان حلال تجارت اور سرٹیفکیشن کیلئے مفاہمتی یادداشت کی دستاویز کا بھی تبادلہ ہوا اسی طرح صحت کے شعبے میں تعاون میں اضافے کیلئے بھی پاکستان اور انڈونیشیاکے درمیان مفاہمتی یادداشت طے پائی ہے ۔