دو دن استحکام کے بعدسونا آج ہزاروں روپے مہنگا،فی تولہ کتنے کا ہو گیا؟

کراچی : عالمی و مقامی مارکیٹوں میں سونے کی قیمتوں میں دو دن استحکام کے بعد آج ہزاروں روپے کا اضافہ ریکار ڈ کیا گیا ہے۔

آل پاکستان جیمز اینڈ جیولرز ایسوسی ایشن کے مطابق آج ہفتے کے روز مقامی مارکیٹوں میں سونے کے نرخ میں 5300 روپے کا اضافہ ریکارڈ کیا گیا جس کے بعد سونے کی نئی قیمت 4 لاکھ 44 ہزار 162روپے ہوگئی ہے۔

ایسوسی ایشن کے مطابق اسی طرح دس گرام سونے کے نرخ میں 4544 روپے کا اضافہ ریکارڈ کیا گیا جس کے بعد دس گرام سونا 3 لاکھ 80 ہزار 797روپے کا ہو گیا ہے۔

دوسری جانب عالمی بلین مارکیٹ میں سونے کے نرخ میں 53 ڈالر کا اضافہ ہونے سے فی اونس سونا 4218 ڈالر کی سطح پر پہنچ گیا ہے۔

علاوہ ازاں ملک میں چاندی کی قیمت بھی بلند ترین سطح پر پہنچ گئی ہے، چاندی کی قیمت میں 267 روپے کے اضافے کے بعد فی تولہ چاندی 5 ہزار 909 روپے کی ہو گئی ہے۔