عالمی اور مقامی مارکیٹ میں سونے کی قیمتوں میں استحکام،فی تولہ کتنے کا ہو گیا؟

کراچی: عالمی و مقامی مارکیٹوں میں سونے کی قیمتوں میں استحکام دیکھا گیا ہے۔

آل پاکستان جیمز اینڈ جیولرز ایسوسی ایشن کے مطابق کاروباری ہفتے کےآخری روزمقامی مارکیٹ میں ایک تولہ سونا 4 لاکھ ، 26 ہزار 562 روپے پر برقرار ہے۔

ایسوسی ایشن کے مطابق اسی طرح 10 گرام سونا 3 لاکھ ، 65 ہزار708 روپے پر برقرارہے۔

علاوہ ازاں ایک تولہ چاندی کی قیمت میں 107 روپے کی کمی کے بعد 5 ہزار 222  روپے پر آ گئی ہے۔

دوسری جانب عالمی بلین مارکیٹ میں فی اونس سونے کی قیمت 50ڈالر کے اضافے سے 4ہزار 042ڈالر کی سطح پر آگئی۔

خیال رہے کہ گزشتہ روز عالمی مارکیٹ میں سونے کی قیمت میں اضافہ ہوا تھا جبکہ مقامی مارکیٹ میں فی تولہ سونے کی قیمت میں 5 ہزار روپے کی بڑی کمی ریکارڈ کی گئی تھی۔