اسحاق ڈارکا سعودی وزیر خارجہ سے ا ٹیلیفونک رابطہ،امریکہ،ایران مذاکرات کا خیرمقدم

اسلام آباد: نائب وزیراعظم و وزیر خارجہ سینیٹر محمداسحاق ڈار اورسعودی عرب کے وزیر خارجہ شہزادہ فیصل بن فرحان کے درمیان ٹیلی فونک رابطہ ہوا ۔

ترجمان دفترخارجہ کے مطابق دونوں رہنماؤں نے امریکہ اور ایران کے درمیان مذاکرات کے آخری مرحلے میں داخل ہونے کا خیرمقدم کیا اور اس امید کا اظہار کیا کہ کل متوقع الیکٹرانک دستخط کی تقریب کے بعد ہونے والی پیش رفت خطے میں دیرپا امن اور استحکام کے قیام میں معاون ثابت ہوگی۔

ترجمان نے مزید بتایا کہ سعودی وزیر خارجہ نے مذاکراتی عمل کے دوران ثالثی اور مکالمے کے فروغ کے لیے پاکستان کی مستقل اور مسلسل سفارتی کوششوں کو سراہا اور اس ضمن میں پاکستان کے کردار کی تعریف کی۔

ترجمان کے مطابق گفتگو کے دوران دونوں وزرائے خارجہ نے رواں ماہ کے آخر میں مصر میں ہونے والے علاقائی چار ملکی وزرائے خارجہ (آر-4) اجلاس سے متعلق امور پر بھی تبادلہ خیال کیا۔