وزیر اعظم کو اپنے آس پاس کے لوگوں سے خطرہ ہے، ڈاکٹر شاہد مسعود

جی این این کے پروگرام " لائیو ود ڈاکٹر شاہد مسعود " میں سینئر صحافی  و تجزیہ کار ڈاکٹر شاہد مسعود نے کہا کہ  وزیر اعظم پاکستان عمران خان کو اگر خطرہ ہے تو ان لوگوں سے ہے جو وزیر اعظم کے آس پاس ہیں۔ڈاکٹر شاہد مسعود نے بتایا کہ وزیر اعظم عمران خان بھی یہ جانتے ہیں اسی لیے انہوں نے  انٹیلی جنس بیورو (آئی بی ) سے کہا تھا کہ مجھے میرے وزیر کیا کر رہے ہیں اس کی رپورٹس دو اور ان پر نظر رکھو۔

عمران خان کو خطرہ جہانگیر ترین سے۔۔۔؟؟ جانیئے ڈاکٹر شاہد مسعود سے۔۔ @Shahidmasooddr #LivewithDrShahidMasood @JahangirKTareen #GNN pic.twitter.com/qb95B8OvXw

— GNN (@gnnhdofficial) January 24, 2021

سینئر صحافی ڈاکٹر شاہد مسعود نے پروگرام میں بتایا کہ وزیر اعظم عمران خان کے پاس  عددی اکثریت نہیں ہے۔انہوں نے کہا کہ اس سے پہلے بھی جب مائنس ون کی بات ہوئی تھی  تو شاہ محمود قریشی اور جہانگیر ترین کے بارے میں ، میں نے بات کی تھی کہ یہ گروپ ہیں۔ڈاکٹر شاہد مسعود کا کہنا تھا کہ  وزیر اعظم عمران خان سے جتنے لوگ مل رہے ہیں  ان میں سے اکثریت کا تعلق جنوبی پنجاب سے ہے اور وہ جہانگیر ترین کیساتھ رابطے میں ہے۔یہ لوگ وزیر اعظم عمران خان کے سامنے بہت سخت مطالبات رکھنے جا رہے ہیں۔کیونکہ ان کو پتا ہے کہ اب عدم اعتماد لانے کی بات آگئی ہے تو   ہماری  ضرورت ذیادہ ہے۔