وزیر اعظم سیاسی طور پر ایکٹیو اور اتحادیوں کے گلے دور کرنے جار ہے ہیں ، عمران یعقوب خان

جی این این کے پروگرام " ویو پوائنٹ " میں گفتگو کرتے ہوئے سینئر صحافی و تجزیہ کار عمران یعقوب خان نے کہا کہ  سیاسی ضرورتیں اور مصلحتیں انسان سے کیا کیا کرواتی ہیں۔وزیر اعظم عمران خان ایک سیاسی جماعت کے سربراہ کے بارے میں کہا کرتے تھے کہ  یہ پنجاب کے سب سے بڑے ڈاکو ہیں ۔عمران یعقوب خان نے کہا کہ پہلے ان کو 10 اسمبلی نشستوں کی وجہ سے اسپیکر پنجاب اسمبلی بنایا اور اب  سینیٹ کی ایک سیٹ بھی آفر کر رہے ہیں۔123

نواز شریف۔۔۔ غیبی قوتوں کی مدد۔۔۔ سنیئے عمران یعقوب خان کا تجزیہ @imranyaqubkhan @PTIofficial @pmln_org @MediaCellPPP #ViewPoint #GNN pic.twitter.com/EVBQttaHU1

— GNN (@gnnhdofficial) January 24, 2021

سینئر صحافی عمران یعقوب نے کہا کہ  کیونکہ وزیر اعظم کو اب یقین ہوگیا ہے کہ پاکستان پیپلزپارٹی اور مسلم لیگ ن  دونوں تحریک عدم اعتماد لانا چاہ رہی ہیں اور اس معاملے پر ان کا اتفاق رائے بھی ہے۔اگر غیبی قوتیں حکومت کے ساتھ نہ ہوئیں تو ان کے لیے مسئلہ ہوسکتا ہے۔عمران یعقوب نے بتایا کہ وزیر اعظم عمران خان نے فیصلہ کیا ہے کہ  وہ اپنے  اتحادیوں کے ساتھ حسن سلوک کریں گے،تعلقات کو مزید بہتربنائیں گے۔وزیر اعظم اب سیاسی طور پر ایکٹیو ہوکر اتحادیوں کے گلے دور کرنے جا رہے ہیں۔