یو اے ای کی اسرائیلی شہر تل ابیب میں سفارتخانہ بنانے کی منظوری

غیر ملکی خبر ایجنسی کے مطابق  متحدہ عرب امارات(یو اے ای) نے اسرائیل کے  شہرتل ابیب میں اپنا  سفارتخانہ بننے کی منظوری دیدی ہے، اسرائیل میں اماراتی سفارتخانہ بنانے کا اعلان حکومتی ٹوئٹر اکاونٹ پر کیاگیا ہے۔

غیر ملکی خبر ایجنسی کے مطابق اسرائیل نے مراکش کیساتھ سفارتی تعلقات بڑھانے کی منظوری دیدی ہے۔

خیال رہے کہ گزشتہ سال یو اے ای اور بحرین  نے اسرائیل کو تسلیم کرلیا تھا۔ متحدہ عرب امارات نے 13 اگست اور بحرین نے 11 ستمبر کو اسرائیل سے امن معاہدے کا اعلان کیا تھا اوردونوں ممالک نے معاہدے پر دستخط 15 ستمبر کو وائٹ ہاؤس میں کیے تھے۔24 اکتوبر کو سابق صدر ٹرمپ کی سوڈانی قیادت اور اسرائیلی وزیراعظم سے فون پر گفتگو ہوئی تھی جس کے بعد امریکی صدر نے سوڈان کی طرف سے اسرائیل کو تسلیم کرنے کے فیصلے کا اعلان کیا گیا تھا۔جبکہ 10 دسمبر 2020 کو اس وقت کی صدر ٹرمپ نے اعلان کیا تھا کہ  شمالی افریقا کے ایک اور عرب مسلمان ملک مراکش نے اسرائیل کو تسلیم کرلیا ہے۔ اس سے قبل 1979 میں مصر اور اردن 1994 میں اسرائیل کو تسلیم کرچکے ہیں۔