ریاست کو باندی سمجھنے والوں کو حساب دینا پڑے گا، عثمان بزدار

سماجی رابطے کی ویب سائٹ ٹوئٹر پر ایک پیغام میں وزیر اعلی پنجاب سردار عثمان بزدار نے کہا کہ  ہم پنجاب میں اب تک تقریباً 185 ارب روپے مالیت کی سرکاری زمینیں قبضہ مافیا سے چھڑوا کر قانونی کارروائی شروع کر چکے ہیں ۔ یہ آپریشن مستقبل میں بھی اسی طرح جاری رہے گا۔

ہم پنجاب میں اب تک تقریباً 185 ارب روپے مالیت کی سرکاری زمینیں قبضہ مافیا سے چھڑوا کر قانونی کارروائی شروع کر چکے ہیں ۔ یہ آپریشن مستقبل میں بھی اسی طرح جاری رہے گا۔

ریاست کو اپنی باندی سمجھنے اور ریاست کی ملکیت اثاثوں کو مالِ مفت کی طرح ہڑپ کرنے والوں کو حساب دینا پڑے گا!

— Usman Buzdar (@UsmanAKBuzdar) January 24, 2021

وزیر اعلی پنجاب عثمان بزدار کا کہنا تھا کہ  ریاست کو اپنی باندی سمجھنے اور ریاست کی ملکیت اثاثوں کو مالِ مفت کی طرح ہڑپ کرنے والوں کو حساب دینا پڑے گا۔

اس سے قبل ضلعی انتظامیہ نے کھوکھر پیلس کیخلاف کامیاب آپریشن کرتے ہوئے بغیر کسی مزاحمت کے تمام سرکاری زمین واگزار کروا لی۔ ضلعی انتظامیہ کے مطابق   38 کنال اراضی واگزار کروائی گئی ہے، 8 کنال اراضی جس پر مکانات تعمیر کئے گئے تھے انہیں بلڈوز کر دیاگیا جبکہ خالی زمین پر بنائے گئے سٹرکچز اور دیگر پلاٹس بھی واگزار کرالیے گئے۔

کھوکھر برادران کا  ردعمل دیتے  ہوئے کہنا تھا کہ عمران خان نے آج زیادتی کی ہے، ہمیں سزا دی جاتی ہے ہم نواز شریف کے ساتھی ہیں، ادارے انتقامی سیاست کا حصہ بنے ہوئے ہیں۔