بختاور بھٹو کی شادی ، تقریبات کا باقاعدہ آغاز ہوگیا

تفصیلات کے مطابق  سابق وزیراعظم شہید بے نظیر بھٹو کی بڑی صاحبزادی بختاور بھٹو زرداری کی شادی کی تقریبات آغاز ہوگیا، بلاول ہاؤس کراچی میں شادی کی تقریبات کا آغاز محفل میلاد سے کیا گیا۔محفل میلاد میں خواتین ارکان اسمبلی ، فریال تالپور، آصفہ بھٹو اور ان کی  سہیلیوں نے شریک کی ۔

بختاور بھٹوکی رسم حنا ستائیس جنوری کو بلاول ہاؤس کراچی میں ہوگی،   جبکہ انتیس جنوری کو بختاور بھٹو اور محمود چوہدری کا نکاح ہوگا ۔ مہندی اورنکاح کی تقریب میں بختاور اور آصفہ کی سہیلیوں سمیت قریبی افراد کو مدعو کیا گیا ہے ۔  بختاور بھٹو کا ولیمہ تیس جنوری کو ہوگا ۔ جس میں اراکین اسمبلی،  سیاسی اور عسکری قیادت سمیت  تین سو سے زائد مہمان شریک ہونگے ۔

واضح رہے کہ  بختاور بھٹو زرداری نے گزشتہ برس 27 نومبر کو پاکستانی نژاد دبئی کے صنعت کار محمود چوہدری سے کراچی میں منگنی کی تھی۔

بختار بھٹو زرداری سابق وزیر اعظم بینظیر بھٹو کی بڑی صاحبزادی ہیں، تاہم وہ اپنے بھائی بلاول بھٹو سے کم عمر ہیں۔بختاور بھٹو زرداری کو یہ اعزاز بھی حاصل ہے کہ وہ ایسے وقت میں پیدا ہوئیں جب کہ ان کی والدہ وزارت عظمیٰ کے عہدے پر براجمان تھیں،  یوں بختاور بھٹو زرداری حاضر سروس وزیر اعظم کے ہاں پیدا ہونے والی دنیا کی پہلی بچی کا اعزاز بھی رکھتی ہیں، ان کی پیدائش پر اس وقت بینظیر بھٹو نے وزارت عظمیٰ سے چھٹیاں لی تھیں۔